8, 5 милуан сомæй фылдæр радих кодта афæдзы райдианæй социалон фæдзæхстады Фонды регионалон хайад

8, 5 милуан сомæй фылдæр радих кодта афæдзы райдианæй социалон фæдзæхстады Фонды регионалон хайад, цæмæй республикæйы, социалон льготæтæй чи пайда кæны, уыцы адæймæгтæ се нæниздзинад фæфидардæр кæной республикæйы æмæ Цæгат Кавказы санаторитæ æмæ курортты.

Афæдзы райдианæй æмæ абоны бонмæ санаторитæ æмæ курорттæм бантыст арвитын 527 инвалиды, семæ хæсты архайджытæ æмæ инвалидтæ, инвалид — сывæллæттæ, Чернобылы æмæ хæстон цауты архайджытæ. Уыцы адæймæгтæм тынг зæрдиагæй æнхъæлмæ кæсынц æмæ сæ сæхимæ исынц бынæттон санаторитæ «Тæмискъ», уым хæрзхъæд медицинон æххуыс райстой 53 адæймагджы, зæрдæйы æмæ нервыты низтæ бадзæбæх кодтой 125 адæймагай фылдæр санаторитæ æмæ профилакторитæ «Сосновая роща» æмæ «Осетия»-йы. Инвалидтæм æхсызгонæй æнхъæлмæ кæсынц Цæгат Кавказы санаториты дæр. Ныридæгæн уал се нæниздзинад фидар кæныны фадат фæцис 93 инвалидæн горæт Ессентукийы санатори «Центросоюз»-ы, 77 — æй та сæхи дзæбæх кодтой Кисловодскы санатори «Нарзан»-ы.
Социалон фæдзæхстады хайады сæргълæууæг Айларты Зæлинæ куыд зæгъы, афтæмæй санаторитæм путевкæтæ лæвæрд цæуынц, йæ гæххæттытæ афоныл чи бадæтты, уыдонæн, стæй, йе мгъуыд кæмæн куыд хæстæг кæны, афтæ.
Мамиаты Лолитæ, социалон фæдзæхстады Фонды цæгатирыстойнаг регионалон хайад