Мидхъуыддæгты министрады номæй арфæ кæнын Ирыстоны адæмæн Хетæджы Уастырджиый бæрæгбоны фæдыл

Стыр бæрæгбонмæ бирæ адæм æрцæудзæн Хетæджы къохмæ. Цæмæй хъæлдзæгæй æмæ æнæмастæй сымбæлæм уарзон бæрæгбоныл, уый тыххæй нæ кусджытæ къуырийы дæргъы дзуары бынаты фæкодтой сгарæн куыстытæ.

Сæдæ кусæгæй фылдæр райсом хъахъхъæндзысты дзуары хъæд, йæ бацæуæнтæ.

Транспортæн рахицæн кодтам сæрмагонд бынат.

Курæм уæ, носджынæй ма сбадут автотранспорты рулыл, хъахъхъæнут уæхи дæр æмæ адæмы дæр.

Гуырысхойаг адæймаг кæнæ дзаума куы фенат, уæд иу æнæмæнгæй фæхабар кæнут пæлицæйы кусджытæн.

Бæрæгбоны хорзæх уæ уæд!