15 ОКТЯБРЫ — КЪОСТАЙЫ РАЙГУЫРÆН БОН

АЛЫ ХЪУЫДДАДЖЫ ДÆР БАЛÆГГАД КОДТА ЙÆ АДÆМÆН

Къостайы бæрц хæрзты иуирон дæр нæ адæмæн нæма бацыд, уыйау ын йæ хъысмæтыл ничима фæрыст. Ирон адæм ыл йæ удæгасæй скодтой кады зарæг, йе `мдугон зындгонд фысджытæ Гæдиаты Секъа æмæ Гуырдзыбеты Блашка йын йæ ном ссардтой æмдзæвгæтæй. Ныр иунæг ирон фыссæг дæр ахæм нал ис, Къоста-йыл æмдзæвгæтæ, радзырд кæнæ уацау, роман, пьесæ чи нæ ныффыста. Зæрдæмæхъаргæ уацмыстæ йыл ныффыстой уырыссаг, украинаг, белоруссаг, сомихаг, азербайджайнаг, дагестайнаг æмæ суанг фæсарæйнаг адæмты фысджытæ дæр. Адæм ын цыртдзæвæнтæ сæвæрдтой Цæгат æмæ Хус-сар Ирыстоны, Стъараполы, Хъæрæсейы, Къахеты, болгайраг горæт Кырджалийы æмæ æндæр рæтты.

Къоста æрмæст ирон фыссæг нæу. Йæ уырыссаг уацмыстæ йæ æвæрынц уырыссаг хуыздæр фыс-джыты æмрæнхъ. Поэты уацмыстæ тæлмацгонд сты раздæры советон бирæ адæмты æвзæгтæм: фæндаг ссардтой англисаг, францаг, немыцаг, болгайраг, китайаг, хинди, япойнаг адæмты зæрдæтæм. Уымæн æмæ сæ темæтæ сты æппæтадæмон.

Къоста фыццаджыдæр уыд ирон адæмы сæрхъуызой, фæлæ уыцы иу рæстæг йæхи хуыдта дунейы хъæбул, йæ фыдыбæстæ та — æгас дуне. Йæ уацмысты иу адæмы тыххæй дæр иунæг уæлæнгай фауæн ныхас нæй. Уый хыгъд дзаг сты алы адæмтæм уарзондзинады æнкъарæнтæй. Кавказы æфхæрд адæмты хъысмæтыл æмхуызон рыст æмæ сæ сæрыл карзæй дзырдта хæдхæцæг паддзахы ныхмæ. Йæ уацмысты стауы бирæ адæмты минæвæртты,
уæлдайдæр та — уы-рыссаг номдзыд лæгты. Йæ сæрмагонд хæлæрттæм куы æркæсæм, уæд се `хсæн фендзыстæм канд ирæтты нæ, фæлæ уырыссæгты, гуырдзиæгты, украинæгты, сомихæгты, дзуттæгты, кæсгæтты, цæцæйнæгты, хъæрæсейæгты, бер-дзенæгты æмæ а.д. Уыдоны зæрдæты йæхимæ цы уарзондзинад райгуырын кодта, уый ирдæй разынд, 1906 азы 29 мартъийы йын йæ мард Лабæйæ Дзæуджыхъ-æумæ куы сластой, уæд. Йæ хо Олгъа фыста: « …Хастой йæ сту-денттæ, афицертæ, хуымæтæг адæм, мохеуæгтæ æмæ гæвзыкк мæгуыр адæм дæр: алкæй дæр сæ фæндыд йæ чырыныл схæцын… Саргъуыдтой йыл ирæттæ, гуырдзиæгтæ, ме антæ, сомихæгтæ — алчидæр йæхи æвзагыл… Дуа йыл скодтой пысылмæттæ».

Къостайæн йæ адæмы царды алы хъуыддаг дæр уыд йæ хъуыдыйы, йæ сагъæсты æмæ йæ архайды сæр. Алы хъуыддаджы дæр балæггад кодта йæ адæмæн. Суанг ма нын гимнæн дæр ныффыста йæ «Балцы зарæг».
Къоста æдзухдæр у фæлтæрты æмдугон, рæстдзинады тырысайы бын нæ цырен кæны Ирыстонæн лæггад кæнынмæ, иудзинадмæ, ад-æмы æфсымæрдзинадмæ, хоны нæ «рухсмæ æнæзивæг».

Фæзæгъынц, хорз адæймагæн, дзыллæйы рисæй чи фæрыст, сæ амондыл тохы чи нæ бафæллад, ахæмæн мæлæт нæй. Ис ын æрмæст райгуырæн бон. Уый свæййы адæмон бæрæгбон. Ахæм кадджын бон у Ирыстонæн, ирон адæмæн 15 октябрь — Къостайы райгуырæн бон.

ПЕСНЯ О КОСТА
(Слова народные)
Косарю мы всем селом
Луг скосить поможем.
О Коста — певце своем
Нынче песню сложим.
Вражьи рати неспроста
Крепостей боятся.
Богатеи слов Коста
С давних дней боятся.
Пашни нарские узки
И не щедры летом.
К свету вышли бедняки
За своим поэтом.
Дому с крышей устоять
Без стропил едва ли.
Нашего Коста опять
В край чужой сослали.
Захотим чувяки сшить —
Кожи нам не хватит.
Сил, чтоб нас остановить,
Палачам не хватит.
Белый лебедь неречной
В реку заплывает.
О Коста народ простой
Песни распевает.
Бурка черная Коста
Вьется над горами.
Слово гордое Коста —
С нами, бедняками.

15-æм октябры Мæздæджы музейы Къостайы райгуырды 152 азы кадæн уыдзæн равдыст «Весь мир — мой храм».

Моздокский Вестник