Мыхуыры рацыд ног национ компоненты чингуыты æмæ методикон æрмæджыты комплект скъоладзаутæн

Ахуырад æмæ наукæйы министрады хъæппæрисæй цы Республикон нысанмæарæзт «Ирон æвзаджы» программæ фидаргонд æрцыд, уымæ гæсгæ та мыхуыры рацыд ног национ компоненты чингуыты æмæ методикон æрмæджыты комплект:

— Ирон литературæйы хрестомати 10-æм къласæн (Хъантемыраты Римæ),
— Ирон литературæйы хрестомати 11-æм къласæн (Габысаты Азæ),
— Кæсыны чиныг 2-аг къласæн (Дзапарты Зарæ),
— Ирон æвзаг 2-аг къласæн (Дзампаты Ларисæ),
— Цæрæгойты æмæ зайæгойты нæмттæ æмбарынгæнæн уырыссаг-ирон-дыгурон-англисаг дзырдуæттæ (Саламаты Лидæ),
— Райдайæн скъолайæн ахуыргæнæн чиныг «Природа Северной Осетии и забота о ней» (Станкевич В.А.).
Рауагъд чингуыты тираж у 21500 экземпляры. Нæ республикæйы æппæт скъолаты ахуыргæнджытæ æмæ ахуырдзаутæ тагъд рæстæджы бацин кæндзысты ацы лæварыл.